TANDEM-IV – падтрыманыя праекты

У межах конкурса “TANDEM IV – Устойлівае супрацоўніцтва паміж НДА і мясцовымі органамі ўлады дзеля актывізацыі ўдзелу грамадзян у мясцовым самакіраванні і развіцця мясцовых супольнасцей у Рэспубліцы Беларусь” мы атрымалі 160 заявак па двум лотам (97 заявак – Лот А, 63 – Лот Б).

Усе пералічаныя міні-праекты былі прызнаныя пераможцамі конкурса і згодна з заканадаўствам прайшлі рэгістрацыю ў Дэпартаменце гуманітарнай дзейнасці Упраўлення справамі Прэзідэнта Рэспублікі Беларусь.

Праект TANDEM-IV cкіраваны на ўцягненне і падтрымку грамадскага ўдзелу грамадзян у вырашэнне пытанняў мясцовага значэння шляхам умацавання ўзаемадзеяння і супрацоўніцтва паміж недзяржаўнымі арганізацыямі і мясцовымі органамі кіравання па пытаннях устойлівага развіцця.

Праект закліканы да спрыяння развіцця мясцовых супольнасцей і арганізацый грамадзянскай супольнасці і іх узаемадзеяння з мясцовымі органамі ўлады як праз прадстаўленне тэхнічнай, так і фінансавай падтрымкі дзеля рэалізацыі міні-праектаў на мясцовым узроўні. 

Праект: “Будучыня – гэта мы”

Хто рэалізуе? Смаргонскі мясцовы дабрачынны фонд “Паўночныя Афіны М.К. Агінскага” у супрацоўніцтве з Залескім сельскім Савет (Смаргонскі р-н, Гродзенская вобласць, аг. Залессе).

У чым ідэя праекта?

  • Павышэнне патэнцыялу моладзі аг. Залессе праз прыцягненне яе да мясцовага самакіравання і працэсы вырашэння пытанняў на мясцовым узроўні;
  • Развіццё моладзевага самакіравання праз рэалізацыю мерапрыемстваў у сферы гістарычнай і культурнай спадчыны аг. Залессе і папулярызацыю здаровага ладу жыцця;
  • Развіццё ўзаемадзеяння моладзевага самакіравання, грамадскасці і мясцовых органаў улады ў вырашэнні бягучых праблем аг. Залессе;
  • Распрацоўка роварнага шляху, стварэнне спартовай пляцоўкі, выданне кнігі па краязнаўстве.

Праект: “Кармянскі край – магчымасці для ўсіх”

Хто рэалізуе? Кансалтынгавая ўстанова “Сацыяльныя тэхналогіі бізнэса” сумесна з Кармянскім райвыканкамам (Гомельская вобласць, г.п. Карма).

У чым ідэя праекта?

  • Прыцягненне жыхароў г.п. Карма ў працэс прыняцця рашэнняў на мясцовым узроўні дзеля рэалізацыі стратэгіі ўстойлівага развіцця тэрыторыі;
  • Спрыянне ў стварэнні інфраструктуры для актыўнага і здаровага адпачынку, а таксама раённага грамадскага цэнтра адукацыі дарослых;
  • Развіццё ўзаемадзеяння паміж грамадзянамі, грамадскімі арганізацыямі, структурамі бізнэса і мясцоўвымі органамі ўлады ў Кармянскім раёне;
  • Добраўпарадкаванне берага возера для адпачынку і спорту.

Праект: “Мачулішчы – экасупольнасць людзей, сокалаў і соснаў”

Хто рэалізуе? Прыватная даследча-асветніцкая ўстанова “Цэнтр экалагічнага выхавання і развіцця” сумесна з Мачулішчанскім пасялковым выканкамам (Мінскі р-н, г.п. Мачулішчы).

У чым ідэя праекта?

  • Павышэнне экалагічнай культуры і сацыяльнай актыўнасці жыхароў г.п. Мачулішчы і стварэнне турыстычнай інфраструктуры;
  • Прыцягненне грамадзян у працэс прыняцця рашэнняў мясцовага значэння праз прыродаахоўную, культурна-адукацыйную і эколага-асветніцкую дзейнасць;
  • Развіццё камунікацыі і ўсталяванне эфектыўнага ўзаемадзеяння паміж мясцовымі органамі ўлады, грамадскімі арганізацыямі і грамадзянамі;
  • Стварэнне экатрапы, абарона рэдкіх відаў флоры і фаўны, добраўпарадкаванне ляснога парка.

Праект: “Добрасуседства – разам створым двор сваёй мары!”

Хто рэалізуе? Недзяржаўная ўстанова “Цэнтр экалагічных рашэнняў” разам з Мінскім райвыканкамам (аг. Гатава).

У чым ідэя праекта?

  • Развіццё грамадзянскага ўдзелу праз рэалізацыю грамадскай ініцыятывы, скіраванай на добраўпарадкаванне дваравой тэрыторыі дамоў 14, 16 і 18 па вул. Металургічнай у аг. Гатава;
  • Фарміраванне ў грамадзян практычных навыкаў экапрыязнага карыстання;
  • Развіццё ўзаемадзеяння грамадзян і арганізацый грамадзянскай супольнасці з мясцовымі органамі ўлады і накапленне імі практычнага досведу ў вырашэнні бягучых праблем аг. Гатава;
  • Стварэнне на дваравой тэрыторыі дзіцячай і спартовай пляцоўкі.

Праект: “Дакрануцца да прыроды”

Хто рэалізуе? Інфармацыйна-асветніцкая ўстанова ўстойлівага развіцця “Зялёны абярэг” разам з Парэчанскім сельвыканкамам (Гродненскі р-н, в. Новая Руда).

У чым ідэя праекта?

  • Сацыяльная адаптацыя людзей з парушэннямі зроку, фарміраванне экалагічных ведаў, культуры і беражлівага стаўлення да навакольнага асяроддзя, атрыманне досведу бяспечных паводзінаў у сацыяльным і прыродным асяроддзі;
  • Прыцягненне грамадзян да вырашэння пытанняў мясцовага значэння;
  • Стварэнне экалагічнай трапы для людзей з аслабленым зрокам.

Праект: “Захаваем спадчыну разам”

Хто рэалізуе? Грамадская ініцыятыва “Дубрава” (Віцебская вобл., г. Дуброўна)

У чым ідэя праекта?

  • Захаванне культурнай спадчыны, фарміраванне экалагічнай культуры насельніцтва, прыцягненне грамадзян да рашэння праблем на мясцовым узроўні і павышэнне сацыяльнай адказнасці моладзі.
  • Добраўпарадкаванне гарадскога парка.

Праект: “З клопатам пра бліжняга”

Хто рэалізуе? ГА «Кобрынскі клуб дзелавых жанчын “Бона” (Кобрынскі р-н, Брэсцкая вобласць, Батчынскі сельсавет).

У чым ідэя праекта?

  • Прыцягненне грамадзян да працэсу прыняцця рашэнняў на мясцовым узроўні;
  • Спрыянне жыхарам Батчынскага сельсавета ў добраўпарадкаванні пляцовак для камунікацыі – месцаў чакання аўталавак ў вёсках Паляцічы, Батчы, Андронава, Шыповічы, Літвінкі і пасёлку Фруктовы, а таксама зоны адпачынку са сцэнай у р-не вул.Цэнтральнай пасёлка Птушкафабрыка;
  • Развіццё камунікацыі і ўсталяванне эфектыўнага ўзаемадзеяння паміж грамадзянамі і мясцовымі органамі ўлады.

Праект: “Экатур у Шангры-Ла”

Хто рэалізуе? Мясцовы фонд развіцця “Старт-Усход” (Краснапольскі р-н, Магілёўская вобласць, в. Брылёўка).

У чым ідэя праекта?

  • Прыцягненне жыхароў Краснапольскага раёна ў мясцовае самакіраванне і працэсы прыняцця рашэнняў на мясцовым узроўні;
  • Развіццё мясцовага самакіравання і грамадскага ўдзелу праз рэалізацыю мерапрыемстваў у сферы аховы ўнікальнага прыроднага комплексу і паляпшэння экалагічнага стану прыроднага асяроддзя Краснапольскага раёна;
  • Развіццё ўзаемадзеяння грамадзян, арганізацый грамадзянскай супольнасці і мясцовых органаў кіравання ў вырашэнні бягучых праблем Краснапольскага раёна;
  • Добраўпарадкаванне дэндрапарка, абарона рэдкіх відаў флоры і фаўны.

Праект: “Дуга Струвэ – спадчына стагоддзяў”

Хто рэалізуе? Грамадскі Савет музея “Дугі Струвэ” (Ашмянскі р-н, Гродненская вобласць, аг. Гальшаны).

У чым ідэя праекта?

  • Захаванне культурнай спадчыны, прыцягненне грамадзян у вырашэнне праблем на мясцовым узроўні і павышэнне сацыяльнай актыўнасці моладзі;
  • Добраўпарадкаванне геадэзічных пунктаў і развіццё музея Дугі Струвэ.

Пакінуць адказ

Ваш адрас электроннай пошты не будзе апублікаваны. Неабходныя палі пазначаны як *